5 shoqëri sigurimi janë ndëshkuar nga Autoriteti i Mbikëqyrjes Financiare, për shkak se kanë shkelur rregullat e transparencës në treg. Këto të dhëna janë publikuar nga vetë AMF, ku bie në sy se gjatë këtij viti është shtuar numri i ndëshkimeve për këto kompani po t’i krahasosh me një vit më parë.
Në të dhënat e AMF tregohet se, deri tani gjatë këtij viti janë ndërmarrë pesë masa administrative ndaj shoqërive të sigurimit, nga dy të tilla që ishin marrë gjatë gjithë vitit 2020. Njëkohësisht, Bordi i AMF ka miratuar pesë vendime për eliminim shkeljesh, nga dy të tilla që ishin marrë për vitin 2020.
Në raport thuhet se, në muajt maj dhe korrik, Bordi i AMF ndërmori masa detyruese dhe urdhra për eliminim shkeljesh ndaj të katër shoqërive administruese të fondeve të pensionit dhe vendimet në fjalë u publikuan. Lidhur me këtë çështje, AMF i referohet ligjit për funksionimin e saj, i cili i njeh të drejtën Bordit të institucionit të vendosë për rastet kur përmbajtja e vendimeve nuk duhet publikuar.
Sipas ligjit për këtë çështje, gjobat nuk duhet të jenë më pak se 300 mijë lekë, ose të paktën duhet të jenë efektive në mënyrë që shkeljet e konstatuara të mos përsëriten më.
E.H/ gijotina.com/
