Sekretari i Përgjithshëm i Partisë Demokratike zyrtare, Enkelejd Alibeaj në një mbledhje online të Komisionit të Ligjeve ka prezantuar amendamentin e PD për amnistinë penale.
Në amendamentin e PD kërkohet që përfitues në këtë amnisti të jenë edhe protestuesit, që kanë marrë pjesë në tubimet e PD dhe opozitës, por edhe atë kanë organizuar protesta spontane, apo për të drejtat e tyre, përfshirë protestat e Astirit, apo ato për Teatrin Kombëtar e Bregun e Lumit.
Sipas amendamentit të PD, përfitues duhet të jenë edhe ata protestues ndaj të cilëve ende nuk është dhënë një vendim i prerë dhe janë ende në fazë hetimi e shqyrtimi.
Këto shtesa në projektligjin për “dhënien e aministisë” përfshinbë periudhën 01.10.2018 – 21.12.2020
AMENDAMENT
PËR DISA SHTESA DHE NDRYSHIME NË PROJEKTLIGJIN
“PËR DHËNIE AMINISTIE”
Në mbështetje të nenit 71, pika 1, të Rregullores së Kuvendit të Shqipërisë, me propozim të deputetit Enkelejd Alibeaj, në projektligjin “Për dhënie amnistie”, bëhen këto shtesa dhe ndryshime:
Neni 1
Në nenin 3, pika 1 shtohet shkronja ë) me përmbajtjen si vijon:
“ë) personat e dënuar për veprat penale të parashikuara nga nenet 150, 151, 235, 236, 237 dhe 282 të Kodit Penal, të kryera gjatë tubimeve ose protestave politike dhe qytetare të organizuara në periudhën 01.10.2018 – 31.12.2020”.
Neni 2
Në nenin 4, pika 1, shkronja k) hiqet numri “237”.
Neni 3
Pas nenit 6, shtohet neni 6/1 me përmbajtjen si vijon:
“Neni 6/1
Dhënia e amnistisë nga ndjekja penale për protestuesit
Përjashtohen nga ndjekja penale si dhe pushohen të gjitha çështjet penale në hetim, çështjet e pashqyrtuara ose në proces shqyrtimi nga gjykatat, si dhe për kallëzimet që ndodhen në këto organe, pavarësisht nga data e regjistrimit të tyre, për veprat penale të kryera gjatë tubimeve apo protestave politike dhe qytetare të organizuara në periudhën 01.10.2018 – 31.12.2020, të parashikuara nga nenet 150, 151, 235, 236, 237 dhe 282, të Kodit Penal”.
Discussion about this post