Miratimi i amnistisë fiskale në Shqipëri, ka edhe qëllimin për të mbushur arkën e buxhetit të shtetit. Përmes këtij drafti emigrantët por edhe shqiptarët që jetojnë brenda territorit do të ligjërojnë derti në 2 milion euro kundrejt një tatimi prej 4-10%.
Ministrja e Financave, Delina Ibrahimaj, në një takim me investitortët e huaj në vend theksoi se tashmë ka nisur të ndihet vështirësia ekonomike por po ashtu vuri theksin te qarkullimi i parasë jashtë bankës.
“Ne po e ripropozojmë amnistinë. Një nga problemet e ekonomisë sonë mbetet informaliteti sidomos në biznese. Po ashtu ka edhe shumë para cash që ndikojnë në informalitet. Është edhe situata e vështirë për të gjetur financime dhe kjo na shtyn për një ligj të tillë. Jemi munduar të krijojmë instrumentat e duhura për të gjurmuar informalitetin. Por shqetësim për bizneset nuk është amnistia por korrupsioni dhe burokracitë” – tha Delina Ibrahimaj.
Ndërkohë Dhoma Amerikane e Tregtisë në Shqipëri përmes një deklarate për mediat e ka kundërshtuar projektligjin për amnistinë fiskale duke nënvizuar se projektligji nuk ofron garanci të mjaftueshme që individët e implikuar në veprimtari kriminale do të përjashtohen nga amnistia.
Discussion about this post