Në kuadër të hetimeve për një procedim penal të vitit 2024, Agjencia e Mbikëqyrjes Policore ka zbatuar vendimin e Gjykatës së Shkallës së Parë në Tiranë për të marrë masa sigurie ndaj disa punonjësve të policisë.
Masa e parë është “Detyrim për t’u paraqitur në policinë gjyqësore” ndaj H. B., ish Shef i Sektorit Ekonomik në DVP Tiranë, i dyshuar për “Shkelje të barazisë në tendera” dhe “Falsifikim”.
Dy punonjës të tjerë, E. T. dhe J. C., janë pezulluar nga detyra dhe kanë ndalim për daljen jashtë shtetit për po të njëjtat akuza. Ndërsa një tjetër punonjës, I. SH., ka masa sigurie të ngjashme për shkelje të barazisë në tendera. Veprimet proceduriale lidhur me këta individë janë dorëzuar tek Prokurori për hetime të mëtejshme.
Njoftimi i AMP:
Në vijim të hetimeve lidhur me procedimin penal të vitit 2024, Agjencia e Mbikëqyrjes Policore (Rajoni Tiranë) ka ekzekutuar vendimin e Gjykatës së Shkallës së Parë të Juridiksionit të Përgjithshëm Tiranë, e cila ka caktuar 4 masa sigurie për punonjësit e policisë si më poshtë vijon;
LEXO EDHE:
Arrestohen tre policë/ Dy vëllezërit me uniformë rrahin qytetarin në Burrel, efektivi në Berat i dehur në makinë bëri aksident
Masa e sigurimit personal “Detyrim për t’u paraqitur në policinë gjyqësore” ndaj personit nën hetim H. B., me detyrë ish Shef i Sektorit Ekonomik në DVP Tiranë, i larguar nga detyra me kërkesën e tij dhe aktualisht i vetëpunësuar, i dyshuar për kryerjen e veprës penale “Shkelja e barazisë në tendera dhe ankande publike” në bashkëpunim dhe “Falsifikim i vulave, stampave e formularëve”.
2. Masat e sigurimit personal “Pezullim i ushtrimit të detyrës” dhe “Ndalim i daljes jashtë shtetit” ndaj personit nën hetim E. T.(Xh)., me detyrë Shef i Sektorit të Kontabilitetit në DVP Tiranë, e dyshuar për kryerjen e veprës penale “Shkelja e barazisë në tendera dhe ankande publike” në bashkëpunim.
3. Masat e sigurimit personal “Pezullim i ushtrimit të detyrës” dhe “Ndalim i daljes jashtë shtetit” ndaj personit nën hetim J. C., me detyrë Specialist i Sektorit Ekonomik në DVP Tiranë, i dyshuar për kryerjen e veprës penale “Shkelja e barazisë në tendera dhe ankande publike” në bashkëpunim dhe “Falsifikim i vulave, stampave e formularëve”.
4. Masa e sigurimit personal “Ndalim i daljes jashtë shtetit” ndaj personit nën hetim I. SH., me detyrë në Sektorin Ekonomik në DVP Tiranë, i dyshuar për kryerjen e veprës penale “Shkelja e barazisë në tendera dhe ankande publike”.
Veprimet proceduriale iu relatuan Prokurorit të çështjes.
Discussion about this post