Ana hedh pas krahëve historinë me Brunon, konkurrentja në një romancë të re (FOTO)

Pas ndarjes nga Bruno Shemsho, ish-konkurrentja e “Për’puhen”, Ana Gjini duket se ka nisur një romancë të re.

Nëpërmjet një postimi në InstaStory, Ana ka zbuluar për ndjekësit se i dikush i ka bërë një gjest shumë të ëmbël duke i dhuruar një buqetë të madhe me trëndafila të kuq në formë zemre ku në mes të tyre mban inicialin ‘A’.

Por ajo ç’ka ra më shumë në sy ishte dedikimi i veçantë që personi miserioz i kishte bërë ish-konkurrentes. Krahë luleve, Gjini mban në dorë dhe pusullën që shkruan: “O rob je qetësia e shpirtit tim”.

Nuk dihet ende se kush mund të jetë djali që i ka rrëmbyer zemrën ish-konkurrentes por me këtë postim ajo la të nënkuptohet se tashmë e ka hedhur pas krahëve historinë e saj me Brunon dhe ka nisur një romancë të re.

Rikujtojmë se disa ditë më parë ish-konkurrenti sqaroi përfundimisht arsyen e ndarjes së tyre. Në një intervistë, Bruno shprehu se ishin disa faktorë që ndikuan në prishjen e marrëdhënies mes tij dhe Anës. Mes këtyre faktorëve Bruno veçon, famën, komentet e ndjekësve, dhe deklaratat që Ana ka dhënë nëpër intervistat që ka zhvilluar.

Megjithatë ish-konkurrenti shprehet se ishte më mirë që gjërat shkuan kështu, për të evituar një situatë më të keqe më vonë.