Zoran Zaev njoftoi dorëheqjen si kryeministër dhe nga drejtimi i partisë, pasi “LSDM” humbi shumicën e komunave në raundin e dytë të zgjedhjeve lokale të mbajtura dje në Maqedoninë e Veriut. Por a është sjellja e Zaev një leksion për politikën në Tiranë? Analisti Lorenc Vangjeli u shpreh sonte në një intervistë televizive se leksioni që vjen nga Shkupi është dhimbje për Tiranën.
“Është leksion që vjen nga Shkupi është dhimbje për Tiranën, që sa herë ka zgjedhje ka një rezultat që nuk ndryshon, pavarësisht se kush fiton, ai që humbet, thotë gjithmonë që më kanë vjedhur. Gjëja që ne po ofrojmë sot si risi në PD, është që oferta për të nesërmen e vendit vjen nga e shkuara e tij.
Sali Berisha është e shkuara që afrohet si ofertë për të nesërmen dhe kjo është fatkeqësi për këtë vend. Duhet që edhe këtu gjërat të ndryshojnë, drejtuesit të ndryshojnë”, tha ai Sipas tij, politikanët tonë duhet të marrin shembull të paktën të japin dorëheqjen atëherë kur duhet.
