Analisti Fadil Maloku tha për emisionin “Me Xhaxhiun” në Fax News se kryeministri Edi Rama në fjalim e djeshëm në Strasburg u shndërrua në një artoparlant të Serbisë. Ai theksoi se kryeministri i Shqipërisë do t’i shërbente më shumë Kosovës nëse do përmendte gjenocidin, krimet, shkatërrimet dhe dëbimin e qytetarëve nga regjimi i Sllobodan Millosheviçit.
“Rama në fakt në asamblenë evropiane foli dhe ishte si artoparlant i Serbisë, për shkak se nuk tha asgjë për demet, për gjenocidin, shkatërrimet, dëbimet e 1 mln shqiptarëve nga Kosova”, tha Maloku.
Analisti shkon më tej kur thotë se Rama bëri këtë “shou” në Asamblenë e Përgjithshme të Këshillit të Evropës për të fshehur problemet e brendshme që ka Shqipëria. Sipas Malokut, kryeministri Rama është një politikan makiavelist, i cili përdor çdo mjet për të arritur qëllimet e tij politike.
“Ky fjalim është blof i radhës dhe një mashtrim, që përdoret për qëllime të tjera, Gjithë këtë folklorizëm Rama e ka bërë për konsum të brendshëm. E ka bërë për t’ju ikur problemeve të brendshme dhe problemeve që ka sot Shqipëria. Edi Rama është i zhveshur prej etikës dhe moralit, ai është një politikan tipik makiavelist. Ai përdor të gjitha mjetet për të arritur qëllimet e caktuara”, theksoi ai.
Discussion about this post