Analisti, Enver Bytyçi ka komentuar takimin e sotëm të qeverive të Shqipërisë dhe Kosovës. Ai tha gjatë një interviste televizive se Rama nuk ka pasur as nuk ka ndonjë qëllim të mirë ndaj Kosovës. Më tutje ai shtoi se, Albin Kurti është i pari kryeministër që i ka rezistuar arrogancës së Edi Ramës.
”Çdo marrëveshje i nënshtrohet një ekspertize të caktuar përpara se të hartohet dhe më pas nënshkruhet. Rama është edhe populist por ishte tek çështja e Bashkimit Kombëtar. Kurti është i pari Kryeministër në Kosovë që i ka rezistuar Zotit Rama.
Asnjë kryeministër nuk kanë mundur të përballen apo të rezistojnë arrogancës së Ramës. Kurti rezistoi disa herë dhe për pasojë Edi Rama ka bërë një hap mbrapa në kuptimin e përdorimit të autoritetit të tij arrogant në raport me Kosovën”, th analisti. Sipas tij, suksesi më i madh i kësaj mbledhje është hapja e kufirit nëse do të ndodh pas gjashtë muajsh.
Discussion about this post