Analisti Vehap Kola e ka cilësuar politikën shqiptare si të “krimbur” në korrupsion. Përmes një interviste televizive ai tha se, nëse do të kishte vullnet politik korrupsioni do të kapej dhe për këtë siç u shpreh Kola mjafton të shohim në fshatrat rezidencialë ku banohet në vila 1-3 milionë euroshe.
“Shteti e kap lepurin me qerre. Nëse do kishte vullnet politik do kapeshin të gjitha. Nëse flasim për rikthimin e të gjitha dëmeve që ata kanë shkaktuar, pasurisë që kanë përfituar dhe rikthimin e tyre në buxhetin e shtetit është e vështirë. Nuk vihet drejtësi 100%. Jeta e tyre luksoze është këtu afër nesh, në fshatrat rezidencialë ku banojnë në vila 1 milionë euroshe apo 3 milionë, në bregdet në zona rezidenciale po ashtu dhe në zonat më të shtrenjta. Mjaftojnë këto indikacione për të thënë që politika shqiptare është shumë e krimbur në korrupsion”, tha ai.
Sakaq, ai u shpreh se është kundër një “dore të hekurt”, por thekson se duhen shkundur xhepat e politikanëve.
Discussion about this post