Një prej pjesëmarrësve në protestë si çdo ditë ka qenë edhe analisti Fatos Lubonja.
Në ditën 48-të të protestës, nga sheshi “Skënderbej” në Tiranë, ai e krahasoi simbolin e flamengove për këtë revoltë si më të goditurin, duke bërë analogji edhe për habitatin që qeveria po u shkatërron njerëzve me betonimin dhe zënien e hapësirave publike.
“Ajo që po bëhet atje po i nxjerr flamengot nga habitati shekullor ku kanë jetuar, rrezikojnë të largohemi edhe ne jemi si flamingot, po na largon nga habitati ky, me këtë historinë e betonit dhe legjendës si flamingot po na largon edhe neve. Ndaj mendoj se flamingot janë simboli më i gjetur për këtë protestë”, u shpreh Lubonja.
I pyetur për qëllimet dhe shkaqet e lëvizjes popullore, analisti shpjegoi se është mllef qytetar i grumbulluar nga keqqeverisja dhe sjella e klasës së vjetër politik në 35 vite.
“Kjo tregon dështimin e klasës politike shqiptare këto 35 vjet, për të ndërtuar një shtet që quhet shtet i të drejtës, që në terma kushtetuese thuhet duhet të jetë në kufijtë e të drejtës, kurse kur është bandit i kapërcen të gjithë kufijtë e të drejtës nga të gjitha anët, ku qeveria i lë kriminelët të lirë. Ka mllef të madh të grumbulluar dhe pastaj ky mllef që lindi me atë njeriun e tërhequr zvarrë atje, si të gjithë shqiptarët”, tha ai.
Në fund Lubonja nënvizoi se në shesh ka shtresa të ndryshme të prekura nga keqqeverisja dhe sjellja e kryeministrit me politikën apo gjeopolitikën e tij të gabuar.
“Ka shtresa të ndryshme shoqërore që janë këtu, me një synim, rrëzimin e tij, pastaj është një proces tjetër ndoshta”, përfundoi analisti Fatos Lubonja.
Discussion about this post