Në vigjilje të ndeshjes ndaj Real Betis, trajneri i Real Madrid Karlo Ançeloti është ngacmuar jo pak në lidhje me merkaton teksa fillimisht u ndal tek rikthimi i Ronaldos tek Manchester United.
“Kthimi në Mançester Junajtid është një gjë e mirë. Kthehet në një skuadër që e ka dashur shumë. I uroj më të mirën, shkon në një klub i cili më pëlqen shumë.
Më pas u ndal tek Mbappe.
“Pyetje e çuditshme, nuk e prisja (qesh)! Është një situatë që po e menaxhon klubi. E kuptoj që është interesante, por nuk mund të them më shumë. Jemi të përqendruar te ndeshja dhe mendoj vetëm për ndeshjen. Ai është një lojtar i madh të them të drejtën. Por unë përqendrohem te lojtarët e mi. Grupi i lojtarëve të mi është fantastik, mund të konkurrojmë me çdo skuadër në botë. Nëse ekipi do të përmirësohet, do të jetë më mirë për të gjithë”, tha Ançeloti.
