Deputeti i Partisë Demokratike, Belind Këlliçi, ka dhënë më shumë detaje lidhur me procesin e votimit për anëtarësinë e këshillit Kombëtar të PD. Këlliçi bëri me dije se votimi do të mbyllet në orën 18:00, ndërsa shtoi se numërimi më pas do të bëhet në selinë e PD-së. Madje, ai tha se të gjithë ata që kanë dëshirë të marrin pjesë për të ndjekur procesin, do të mund ta bëjnë.
“Ftoj të gjithë delegatët që votimi mbyllet për 30 minuta. Rreth orës 18:00, nëse nuk ka delegatë në radhë që do të votojnë, do të mbyllet. Komisionet e votimit, do të kthehen në Komisione numërimi duke transportuar të gjitha materialet në hollin kryesor të selisë së PD. Aty do të bëhet numërimi live për të gjithë mediat. Ftojmë të gjithë për të ndjekur procesin e numërimit”, tha Këlliçi. Kujtojmë se në Kuvendin e sotëm janë bërë edhe një sërë ndryshimesh në statutin e PD-së.
Discussion about this post