Maqedonia e Veriut më në fund mund të gjejë zgjidhje përsa i përket vetos që i ka vendosur Bullgaria për anëtarësimin në BE. Drita jeshile është dhënë nga presidenti bullgar, Rumen Radev i cili është shprehur se do ta kalojë çështjen në duart e popullit, duke përmendur mbajtjen e një referendurimi. Ai thotë se “zgjidhja e fundit është gjithmonë populli” dhe theksoi se ka mekanizma kushtetues për konsultimin e tyre, përcjell INA.
“Opinioni publik në Bullgari ka një qëndrim të fortë për marrëdhëniet me Shkupin, por dilema se si do të formulohet pyetja e referendumit do të ishte vendimtare,” raportuan disa media bullgare pasi ndanë idenë e Radevit, siç u dha së fundmi nga VMRO-ja bullgare.
Mediat në Bullgari theksojnë se shpallja eventuale e referendumit do të marrë shumë kohë dhe sigurisht që mund të ndikojë në procesin e zhvillimit të negociatave dypalëshe, por edhe të ngadalësojë më tej integrimin evropian të rajonit.
Deri më tani nuk ka shenja se vetoja bullgare për fillimin e negociatave për anëtarësim të Maqedonisë me Bashkimin Evropian (BE) do të hiqet deri në fund të presidencës franceze. Një mesazh të tillë e ka dërguar edhe ministrja e Jashtme bullgare, Teodora Gencovska. Vëmendja e opinionit bullgar është përqendruar në takimin e ardhshëm të kryesisë shtetërore atje me presidentin francez Emmanuel Macron, në të cilin Radev deklaroi se nuk do të marrë pjesë.
Discussion about this post