Ambasadorja e Suedisë në Tiranë, ka zhvilluar një takim me kryeministrin Edi Rama. Lajmi është bërë me dije nga ambasada e Suedisë përmes një postimi në rrjetin social Instagram.
Mësohet se në takim, ambasadorja i ka dorëzuar kreut të qeverisë shqiptare aplikimin për anëtarësimin në NATO.
“Ky është një moment historik. Ambasadorja zhvilloi një takim me kryeministrin Edi Rama duke e informuar për vendimin e Suedisë për të dorëzuar aplikimin për anëtarësim në NATO. Faleminderit Kryeministër për takimin shumë të mirë dhe mbështetës!”, shkruan ambasada.
Ky takim vjen pas lëvizjes së kryeministres suedeze , e cila shprehu dëshirën për anëtarësim ndërsa tha lajmin se nuk dëshiron baza të përhershme ushtarake të NATO-s apo armë bërthamore në territorin e saj .
Discussion about this post