Pushtimi rus i Ukrainës ka bërë që vendet joanëtare të NATO-s të ndërmarrin iniciativa konkrete për të qenë pjese e aleancës ushtarake. Sot pritet që Kosova ta bëjë hapin e parë institucional në qëllimin e saj për integrim në NATO.
Në rend dite në mbledhjen e Qeverisë është themelimi i një grupi punues ndërinstitucional për integrimin e vendit në NATO.
Që nga nisja e luftës në Ukrainë, autoritetet e Kosovës nëpërmjet deklaratave kanë kërkuar pranimin e shtetit në NATO dhe Bashkim Evropian. Kjo kërkesë është bërë edhe me rezolutën e Kuvendit të Kosovës.
Një ditë më herët, kryeministri Albin Kurti në një intervistë për AFP-në kërkoi nga NATO-ja të lehtësojë rrugën e pranimit për shtetet e Ballkanit Perëndimor. Po ashtu pritet edhe propozimi i kandidatëve për kryetar dhe anëtarë bordi të Organit Shqyrtues të Prokurimit dhe Autoritetit Kosovar të Konkurrencës.
Discussion about this post