Pas arrestimit të bashkëshortit të saj, Angela Martini është bërë lajm kryesor në disa media të ndryshme në Shqipëri, Rumani e së fundmi dhe në Greqi. Protothema.gr i ka kushtuar një artikull modeles shqiptare për jetën luksoze dhe për vilën luksoze që ata kishin marrë me qira.
Ata shkruajnë se prania e Dragos në Greqi, u zbulua nga partnerja e tij, e cila në pamundësi për t’i rezistuar bukurive të Mykonos dhe nevojës së saj për të shfaqur në çdo rast, jetën luksoze që ajo jeton me biznesmenin e kërkuar me një urdhër ndërkombëtar, filloi të publikonte foto në rrjet sociale.
Media greke shkruan se shumica e fotove ishin në vilën e shtrenjtë që kishin marrë me qira në Agios Lazaros, e cila kushton 87.500 euro për një javë.
Për autoritetet rumune ishte çështje orësh që të njoftoheshin dhe në bashkëpunim me Interpolin dhe autoritetet greke të organizonin një operacion i madh për gjetjen dhe arrestimin e tij.
