Është zbardhur axhenda e vizitës së kancelares gjermane, Angela Merkel, ditën e nesërme në Tiranë. Mësohet se mikpritja e Merkel do të bëhet në Pallatin e Brigadave në orën 10:20, për tu takuar 10 minuta më vonë me kryeministrin Edi Rama pa praninë e medieve.
Në orën 11:00 priten delegacionet e dy vendeve në Pallatin e Kongreseve dhe më pas axhenda do të zhvendoset në Tirana Business Park në zonën e Rinasit ku të pranishëm do të jenë edhe krerët e qeverive të Ballkanit.
Atje Merkel dhe Rama do të mbajnë një konferencë të përbashkët për shtyp rreth orës 14:35. Ditën e sotme, kancelarja gjermane ka mbërritur në Serbi për të takuar presidentin Alexander Vucic në lidhje me Procesin e Berlinit. Vizitat në Ballkanin Perëndimor do të jenë takimet e fundit të Merkel jashtë Gjermanisë në statusin e kancelares gjermane.
Axhenda:
Programi i vizitës së Kacelares së Republikës Federale të Gjermanisë, Angela Merkel
10.20 – Ceremonia e mikpritjes në Pallatin e Brigadave
10.30 – Takim Tête-à-tête mes Kryeministrit Edi Rama dhe Kancelares Angela Merkel në Pallatin e Brigadave
11.00 – Takim bilateral mes dy delegacioneve në Pallatin e Brigadave
11.50 – Mbërritja e Kryeministrit dhe krerëve të qeverive të Ballkanit në Tirana Business Park.
11.55 – Mbërritja e Kancelares Merkel në Tirana Business Park
12.00 – Foto Familjare me krerët e delegacioneve në Tirana Business Park.
14.35 – Konferencë për shtyp mes Kryeministrit Rama dhe Kancelares Merkel në Tirana Business Park/ D.L/ Gijotina.com
