Mbërrin në Rinas Angela Merkel
Kancelarja gjermane, Angela Merkel sapo ka mbërritur në aeroportin e Rinasit, në kuadër të vizitës zyrtare që do të zhvillojë në vendin tonë. Mësohet se Merkel është pritur nga kryeministri Edi Rama dhe ministrja e Jashtme Olta Xhaçka.
Angela Merkel sot në Tiranë! Takim me Ramën, axhenda dhe rrugët që do të bllokohen
Kancelarja gjermane Angela Merkel vjen sot në Shqipëri ku do të zhvilloje disa takime me krerët e politikës shqiptare. Vizita zyrtare në Shqipëri është pjesë e turit të diplomates së lartë gjermane në Ballkanin Perëndimor. Kjo është hera e dytë që Merkel viziton Tiranën.
Vizita në Shqipëri nis në orën 10:20 dhe i pari që pritet që të takojë do të jetë kryeministri Edi Rama. Pritja e kancelares bëhet në Pallatin e Brigadave dhe përmbyllet me një konferenca të përbashkët mes Ramës dhe Merkel. Më pas do të zhvillohet një takim mes dy delegacioneve në Pallatin e Brigadave e më tej do të zhvendosen në Tirana Business Park, ku në përfundim pritet që të ketë një konferencë mes Kryeministrit Rama dhe Kancelares Merkel.
Në kuadër të masave për sigurimin e rendit dhe sigurisë publike gjatë vizitës së Kancelares në Tiranë dhe Kryeministrave të Ballkanit Perëndimor në disa segmente rrugore, do të ketë bllokime dhe devijime të lëvizjes së automjeteve në: Rinas-Unaza e Re, Sauk, Rruga e Elbasanit deri tek Pallati i Brigadave. Të gjithë qytetarët nga ora 09:00 deri në orën 13:00 të ditës së sotme si duhet të përdorin rrugë alternative për të shkuar në destinacionet e tyre.
Programi i vizitës së Kacelares së Republikës Federale të Gjermanisë, Angela Merkel
10.20 – Ceremonia e mikpritjes në Pallatin e Brigadave
10.30 – Takim Tête-à-tête mes Kryeministrit Edi Rama dhe Kancelares Angela Merkel në Pallatin e Brigadave
11.00 – Takim bilateral mes dy delegacioneve në Pallatin e Brigadave
11.50 – Mbërritja e Kryeministrit dhe krerëve të qeverive të Ballkanit në Tirana Business Park.
11.55 – Mbërritja e Kancelares Merkel në Tirana Business Park
12.00 – Foto Familjare me krerët e delegacioneve në Tirana Business Park.
14.35 – Konferencë për shtyp mes Kryeministrit Rama dhe Kancelares Merkel në Tirana Business Park
