Angelina Jolie ka kritikuar bombardimin në kampin e refugjatëve Jabalia me postimin e saj në Instagram. Në tekstin e saj ajo flet për vrasjen e palestinezëve dhe krimet e kryera që nga fillimi i luftës kundër Izraelit dhe Hamasit. Në të njëjtën kohë, ajo akuzon liderët e shteteve të botës për mosbashkëpunim në atë që po ndodh.
“Ky është një bombardim i qëllimshëm, i një popullsie të bllokuar që nuk ka ku të shpëtojë. Gaza ka qenë një burg në qiell të hapur për gati dy dekada dhe po bëhet me shpejtësi një varr masiv. 40% e të vrarëve janë fëmijë të pafajshëm. Vriten familje të tëra.
Ndërsa bota shikon, me mbështetjen e heshtur të shumë qeverive, miliona qytetarë palestinezë – fëmijë, gra, familje – dënohen dhe dehumanizohen kolektivisht, privohen nga ushqimi, ilaçet dhe ndihma humanitare në kundërshtim me rregullat e ligjit ndërkombëtar. Duke refuzuar thirrjen për një armëpushim humanitar dhe duke penguar Këshillin e Sigurimit të OKB-së që ta zbatojë atë nga të dyja palët, liderët botërorë janë bashkëfajtorë në këto krime”, shkroi aktorja në postimin e saj disa ditë pasi postoi një mesazh mbështetjeje për ofrimin e ndihmës humanitare.
https://www.instagram.com/p/CzHDsD1x8s9/?utm_source=ig_web_copy_link
Ajo e shoqëroi tekstin e saj me një foto të kampit të bombarduar dhe disa informacione rreth tij: “Kampi i refugjatëve Jabalia është më i madhi nga 8 në Rripin e Gazës. Pas luftës së vitit 1948, refugjatët u vendosën atje, shumica prej të cilëve vinin nga Palestina Jugore.
Kampi mbulon një sipërfaqe prej vetëm 1.4 kilometrash. 116,011 refugjatë palestinezë janë regjistruar vetëm në këtë kamp që nga viti 1948 – 75 vjet (me shifra nga Agjencia e OKB-së për Ndihmën dhe Punët për Refugjatët Palestinë në Lindjen e Afërt).
Reagime ndaj aktores
Megjithatë, vendimi i saj shkaktoi një stuhi reagimesh me shumë nga ndjekësit e saj duke theksuar se qëndrimi i saj nuk është plotësisht i saktë.
“Si keni arritur të shkruani kaq shumë pa thënë asgjë?” , pyeti një përdorues i mediave sociale, me një tjetër duke theksuar: “Si një person që lufton për të drejtat e refugjatëve, duhet ta njohësh më mirë historinë”.
Discussion about this post