Pas ndarjes së bujshme mes Angelina Jolie dhe Brad Pitt, jeta rozë e ish-partnerve eshtë komentuar jo pak herë.
Vitin e kaluar u përfol se zemra e aktores u fitua nga një partner misterioz i cili dihej vetëm se ishte një miliarder dhe kishte në plan t’i thoshte ‘stop’ beqarisë por këto lajme u shuan në heshtje pa u zyrtarizuar kurrë.
Nuk ka kaluar shumë kohë e Hollywoodi është mbushur me një thashethem të ri në lidhje me jetën private të Jolie-s. Thuhet se një dashuri e re i ka kthyer buzëqeshjen.
Sipas tabloidit “New Idea”, vetëm pas pesë vjetësh Angelina ka gjetur një partner të ri, Bëhet fjalë për një dj të famshëm e suksesshëm, DJ Diplo.
Një burim pa emër pretendon se aktorja dhe DJ u panë së fundmi në një festë privat në Los Angeles.
Aludimet u shtuan më shumë nga DJ Diplo pasi ai postoi në disa fotografi nga një natë ku Angelina ishte gjithashtu prezente.
