Angelina Jolie është nënë e 6 fëmijëve, tre prej të cilëve të adoptuar dhe gjithmonë kemi pyetur veten sesi ia del t’i mbajë të gjithë afër vetes.
Aktorja rrëfeu së fundi për “People” se nuk është aspak ajo që mund të quhet një nënë perfekte.
“Nuk jam prind perfekt, në asnjë mënyrë. Çdo ditë jam më e vetëdijshme për gjithçka që nuk e bëj në mënyrë të duhur. Jam shumë e ashpër me veten, sepse shpesh e pyes veten nëse jam duke e bërë gjënë e duhur, nëse e them gjënë e duhur”, tha Jolie.
Ndërkohë, ajo gjithashtu tha se fëmijët kanë pasur ndikim të madh në jetën e saj, por jo vetëm.
“Ata janë shumë të mirë dhe marrë parasysh se janë shumë, kanë pasur një ndikim të madh te njëri-tjetri”, u shpreh ylli hollivudian.
