Angli, lojtari rrëzohet pa ndjenja në fushë

Një ngjarje e frikshme ka ndodhur në Angli në ndeshjen mes Sheffield United-Reading, ku lojtari John Pleck u rrëzua pa ndjenja në fushë.

Ai u dërgua me barelë në spital, pasi nuk po reagonte dhe u desh ndërhyrja e urgjencës për të normalizuar atë.

Klubi i Sheffield United në një reagim në rrjetet sociale ka bërë me dije se 30-vjeçari është në gjendje të qëndrueshme tashmë.

“Mesfushori tani ndodhet në këmbë dhe po merr kujdes të mëtejshëm mjekësor. John Fleck ishte i vetëdijshëm kur u largua nga stadiumi me anë të ambulancës.”-njoftoi klubi.

Kjo ngjarje ndodhi në mes të pjesës së dytë, kur Fleck u rrëzua dhe të dyja skuadrat u alarmuan duke kërkuar ndihmë mjekësore.

Rikujtojmë se para disa muajsh, gjatë kampionatit ‘Euro 2020’ një ngjarje pak a shumë e njëjtë ndodhi me lojtarin e përfaqësues së Danimarkës, Christian Eriksen, i cili u rrëzua pa ndjenja pas një ataku në zemër dhe deri më tani vijon ende të qëndrojë jashtë fushave./K.T/Gijotina.com