Anglia fitoi 3-1 ndaj Italisë, megjithëse kjo e fundit kaloi e para në avantazh.
Dy gola të Kane dhe një i Rashford kanë nxjerrë të pavlerë golin e Scamacca, që kaloi në avantazh italianët në minutën e 15 të takimit.
Me këtë humbje Italia zbret në vendin e 3-të të Grupit C, në kuotën e 10 pikëve, 3 më pak se Ukraina e vendit të 2-të.
Ndërkohë që Anglia kryeson grupin me 16 pikë duke siguruar përfundimisht jo vetëm kualifikimin për në Euro2024, por edhe vendin e parë në këtë grup.
Italia ka edhe dy ndeshje, atë ndaj Maqedonisë së Veriut. Ndërkohë Ukraina fitoi me rezultatin 3-1 ndaj Maltës, ndërsa ndeshjen e fundit e kanë përballë italianëve.
Pra, kualifikimi qoftë për italianët ashtu edhe për ukrainasit duket se do të zgjidhet në përballjen e tyre direkte. Italianëve, nëse fitojnë ndaj Maqedonisë së Veriut, i mjafton edhe një barazim përballë Ukrainës, pasi kanë fituar në përballjen e parë direkte, por kanë edhe një golavarazh më të mirë.
Discussion about this post