Anglia këtë mbrëmje udhëtoi në transfertë për tu përballur me San Marinon, ku misioni i Southgate ishte të rrëmbente të paktën një pikë nga ky takim, por ‘Tre Luanët’ janë treguar të pamëshirshëm, duke shënuar dhjetë gola.
Maguire ishte i pari që hapi serinë e golave për Anglinë që në minutën e 6’, për tu ndjekur nga katër gola të tjerë të kapitenit Harry Kane në pjesën e parë. Fabbri nga të zotët e shtëpisë do të shënonte një autogol duke i dërguar shifrat e pjesës së parë në rezulatin 6-0.
Pjesa e dytë do ta gjente sërish Anglinë në sulm, ku Smith Rowe, Mings, Abraham dhe Saka do të thellonin avantazhin me shifrat finale që përfundojnë në 10-0.
Zvicra në këtë mbrëmje ishte në përballje në distance kundër Italisë, ku në ndeshjet respective të dyja skuadrat luftonin për biletën e kualifikimit.
Zvicra këtë përballje bindi kundër Bullgarisë, duke arritur të arkivojë rezultatin final 4-0, ku golat e Okafor, Vargas, Itten dhe Freuler do të ishin vendimtar në këtë fitore. Shqiptari Andi Zeqiri ishte gjithashtu në fushë për të dhënë kontributin e tij në këtë fitore, duke luajtur deri në minutën e 80’.
Italia nuk mundi të gjejë rrjetën në përballjen në transfertë kundër Irlandës së Veriut, ku formacioni i Mancinit nuk arriti të administrojë një rezultat pozitiv, duke i hapur rrugën Zvicrës për të siguruar biletën e Grupit C për Katar 2022.
Discussion about this post