Do të startojë në orën 21:00 në “Wembley” sfida mes Çekisë dhe Anglisë e vlefshme për Grupin D. Të dy këto kombëtare kanë arritur të sigurojnë një biletë për në raundin e 1/8-ve, teksa përballja e sotme do të përcaktojë së cila skuadër do të jetë kryesuesja e grupit.
Me 4 pikë pas dy ndeshjesh, Çekisë i duhet vetëm një barazim sot kundër Anglisë për t’u kualifikuar në 1/8-at si fituese e Grupit D. Fituesi i grupit ka avantazhit që do të qëndrojë në Londër për ndeshjen e fazës pasardhëse.
Një fakt tjetër interesant është se Patrik Shik mund të bëhet futbollisti i parë çek që shënon në çdo ndeshje të grupit në finalet e një Europiani që prej Milan Baroshit në “Euro 2004”. Që kur mundën Çekinë 5-0 në mars 2019, anglezët kanë shënuar vetëm 14 gola në 13 ndeshje kundër skuadrave që renditen në 50 vendet e para të FIFA-s.
Kejn duhet të qëndrojë i qetë, pas zhgënjimit në 2 ndeshjet e para. Geri Lineker nuk kishte shënuar për Anglinë për 8 muaj përpara se të realizonte 6 gola në “Meksikë 1986”, ndërsa Alan Shirer nuk e gjeti golin për 21 muaj përpara se të shënonte 6 gola në “Euro 1996”.
FORMACIONET ZYRTARE:
ÇEKI (4-2-3-1): Vaclik; Cufal, Celustka, Kalas, Boril; Souçek, Holes; Masopusht, Darida, Jankto; Shik. Trajner: Jaroslav Shilhav
ANGLI (4-2-3-1): Pikford; Uoker, Stons, Meguajër, Shou; Filips, Rajs, Stërling, Grilish, Saka, Kejn Trajner: Garet Sauthgejt
