Rusia nuk e pranon që anija Moskva u shkatërrua nga ushtria ukrainase, por thotë është mbytur, kur një ditë më parë u raportua se Ukraina e sulmoi me raketa.
Një nga luftanijet më të rëndësishme të Marinës Ruse ka pësuar dëmtime të rënda dhe është evakuar me urgjencë pas atij që Rusia e përshkruan vetëm si zjarr në bord, por që Ukrainë pretendon se ishte pasojë e goditjes me raketa nga ana e saj.
Moskva, krenaria e flotës ruse u përfshi nga një sërë shpërthimesh pasi flakët mbërritën deri tek municionet në bord.
Mediet shtetërore TASS dhe RIA, duke cituar Ministrinë Ruse të Mbrojtjes, njoftuan më herët se anija është dëmtuar rëndë nga incidenti se shkaku i zjarrit po hetohet, ndërsa nuk japin informacione për viktima të mundshme. Por zyrtarë ukrainas pretendojnë se ishin raketat e lëshuara nga toka ato që goditën Moskvën, e cila ka një domethënie të madhe simbolike për Ukrainën si luftanija e përfshirë në incidentin e famshëm me ushtarët në Ishullin e Gjarprit, të cilët refuzuan t`i dorëzoheshin pushtuesve.
Discussion about this post