Kryeministri Edi Rama ka zgjedhur që në krye të ministrisë së Bujqësisë një emër të ri. Ai ka hequr Anila Denajn dhe në vend të saj ka emëruar Andis Sallën.
Salla është kryebashkiaku aktual i Cërrikut dhe do të marrë portofolin e ri në qeverinë “Rama 4”.
“Të rinj si Sofjani dhe Andisi janë shembuj se si të ecësh dhe të ngjitesh sa më lartë”, tha Rama mes të tjerash gjatë prezantimit, duke theksuar se për të rinjtë rruga në qeverisje do të jetë e hapur.
“Kam vendosur t’ia besoj një të riu nga një provincë më ka lënë mbresë me përkushtimin e tij me mjete financiare modeste ka provuar me shembuj konkrete që jo vetëm e kupton, por e ndjen fshatin duke kërkuar me sukses financime nga donatorë. Kryetari i Bashkisë së Cërrikut do të jetë Ministri i ri i Bujqësisë e Zhvillimit Rural.
E di që kjo që po i besoj është një sfidë. Unë besoj që të rinjtë fjalëpak kanë të drejtë të vihen në prova të forta dhe të besojnë që puna këmbëngulëse të sjell mundësinë të ngjitesh në karrierë”, u shpreh ai.
Discussion about this post