Komisioni i Ankesave dhe Sanksioneve, ka shtyrë për herë të dytë shqyrtimin e ankimit të Partisë Demokratike për qarkun Kukës lidhur me zgjedhjet e 11 majit.
KAS do të mblidhet sërish ditën e hënë për ankimin e demokratëve, pasi shprehet se nuk disponon provat e mjaftueshme për çështjen, por dhe se duhet bërë verifikimi i të dhënave e pretendimeve të ngritura nga Partia Demokratike.
Më 27 maj, KAS pranoi dy kërkesat e PD-së për Kukësin, për t’u njohur me të dhënat e DHL, pra operatorit postar për që shërndante votat e diasporës në zgjedhjet e 11 majit dhe raportin e audituesit teknicien. Nga ana tjetër rrëzoi kërkesat për kryqëzimin e të dhënave të Pajisjes së Identifikimit Elektronik (PEI), regjistrave të posaçëm në çdo qendër votimi si dhe kopjeve për procesverbalet e tyre dhe procesverbaleve të mbylljes.
Discussion about this post