Komisioni i Ankimimeve dhe Sanksioneve ka shqyrtuar ditën e sotme 12 kërkesat ankimore për sanksionet e vendosura për mosdorëzimin e raporteve financiare nga partitë.
Mësohet se janë depozituar 12 kërkesa ankimore, me objekt “Kundërshtimi i vendimit të KSHZ, “Për dorëzimin e raporteve vjetore financiare të partive politike për vitin kalendarik 2020 dhe sanksionet për mosdorëzimin e tyre”.
Ankues janë Partia Aleanca Demokristiane, Partia Lëvizja e Legalitetit, Partia Balli Kombëtar, Partia Ora e Shqipërisë, Partia Bashkimi Demokrat, Partia Balli Kombëtar Demokrat, Partia Kombëtare Konservatore Albania, Partia Bashkimi Popullor i Pensionistëve Shqiptarë, Partia Demokracia e Re Europiane, Partia Emigracioni Shqiptar, Partia Lëvizja Demokratike e Shqipërisë, Partia Aleanca Maqedonasve për Integrim Europian, Partia Lëvizja Demokratike për Ndryshim, Partia Demokratike e Bashkimit Mysliman Shqiptar, Partia e Gjelbër, Partia e Minoriteti Etnik Grek për të Ardhmen, Partia për Zhvillim Kombëtar, Partia Popullore Kristiandemokrate e Shqipërisë dhe Partia Uniteti Kombëtar.
Një ditë më parë, Komisioni i Ankimimeve dhe Sanksioneve zhvilloi seancën e shqyrtimit paraprak për verifikimin e elementëve të formës dhe përmbajtjes së kërkesave ankimore, ku u vendos kalimi për shqyrtim ditën e sotme.
