Anthony Albanese është zgjedhur kryeministër i Australisë. Është përfolur se ai ka prejardhje arbëreshe. Për këtë fakt ka folur dhe gazetari i CNN, Andrew Kaczynski.
Nëpërmjet Twitter, Kaczynski shpjegoi arsyen e mbiemrit “Albanese” të australianit derisa tregoi se edhe vetë ai ka prejardhje arbëreshe.
“Ai është shqiptar i Italisë. Mbiemri i tij është Albanese. Ai është arbëresh sikur edhe unë”, shkroi ai.
Anthony Albanese është kryeministri i parë i vendit nga një prejardhje jo anglo-kelte. Australia në këtë mënyre ka zgjedhur qeverinë e parë të saj laburistë në një dekadë.
He is an Albanian of Italy. His last name is Albanese. He is an Arbereshe like me. https://t.co/Z4vtHmQjLE
— andrew kaczynski (@KFILE) May 22, 2022
ORIGJINA ARBËRESHE
59-vjeçari me nofkën “Albo” është rritur në banesa sociale nga një nënë beqare me pension invaliditeti. Ai shpesh e ka përmendur edukimin e tij si bazë për ecurinë e tij drejt politikës. Z. Albanese besonte se babai i tij kishte vdekur para se ai të lindte, por si adoleshent mësoi se nëna e tij në fakt kishte mbetur shtatzënë nga një burrë i martuar, i cili me shumë mundësi ishte ende gjallë, ndërsa udhëtonte në Evropë.
Tre dekada më vonë, ai gjeti Carlo Albanese, duke fluturuar për në Itali për ta takuar atë dhe gjysmëvëllezërit e tij. Thuhet se ai ka origjinë arbëreshe. Z. Albanese tha se nëna e tij, Maryanne Ellery, ishte e vendosur se ai kishte mundësi që ajo kurrë nuk i kishte. Me mbështetjen e saj, ai u bë i pari në familjen e tij që mbaroi shkollën dhe shkoi në universitet.
Ai ka thënë se krijimi i një bote më të mirë për djalin e tij, Nathan, është frymëzimi pas jetës së tij publike. Z. Albanese u nda nga gruaja e tij prej 19 vitesh në vitin 2019, ndërsa partnerja e re Jodie Haydon iu bashkua në gjurmët e fushatës.
Discussion about this post