Ka nisur antimitingu me punonjësit e Bashkisë Tiranë që po mbahet në Sheshin Skënderbej, i thirrur nga kryeministri Edi Rama. E para që mori fjalën ishte nënkryetarja e deleguar e kësaj bashkie, Anuela Ristani.
Ajo kujtoi kryebashkiakun Veliajn të arrestuar për korrupsion në disa raste dhe pastrim parash dhe pretendoi se është një mungesë në drejtimin e punëve për Tiranën.
“Atij i është ndaluar të na drejtojë në punën tonë, detyrat tona, që e bënte me aq detaje dhe kujdes, gatishmëria jonë për t’u rritur dhe dëshira për të vazhduar përpara misionin tonë na mbledh këtu sot. I detyrohemi jo vetëm kryetarit, por të gjithë qytetarëve të bashkisë Tiranë që i besuan Erion Veliajt 3 herë qytetin e tyre“, tha Ristani.
“Puna jonë nuk ka mbaruar ende, Tirana është krenare të mbajë titullin e kryeqytetit mesdhetar. Ka krijuar reputacionin e saj si kryeqyteti europian i rinisë dhe sportit. Puna jonë ende nuk ka mbaruar. ‘Pastrimi duhet të vijojë me kujdes dhe sqimë nga të gjithë’, thoshte Veliaj. Një merak i kryetarit ishte edhe arsimi dhe ndërtimi i shkollave të reja. Puna do të vijojë me shkolla, ushqimin për shkollat 9-vjeçare dhe ndërtimin e konvikteve të tjera në Qytet Studenti”, shtoi.
Discussion about this post