Një numër i madh fluturimesh në drejtim të Italisë janë anuluar sot për shkak të grevës së personelit të trafikut ajror të Italisë. TIA njofton se gjatë ditës së sotme do të anulohen fluturimet nga Tirana për në Bari, Bolonja, Ankona, Bergamo, Verona, Milano Malpensa, Genova, Rimini, Romë si edhe fluturimet nga këto qytete për në Tiranë.
“Ju lutemi pasagjerëve që kanë fluturim sot drejt destinacioneve të mësipërme të komunikojnë paraprakisht me kompanitë ajrore respektive për të verifikuar statusin e fluturimit të tyre para se të nisen për në aeroport”, njofton TIA.
Discussion about this post