Çdo ditë e më shumë qeveria jonë i thellon skandale në lidhje me tenderët. Sikur të mos mjaftonin tenderët që jep pa garë apo koncesionet me vlera marramendëse, këtë herë ka anuluar në shkelje të ligjit dy tenderë ndërkombëtar. Me datë 29 tetor, Autoriteti Rrugor ka anuluar me objekt “Plotësimi rakordimi dhe vazhdimi i punimeve Sheshi Shqiponja – Lumi i Tiranës, Loti 1 dhe QMT”, duke përdorur justifikimin se në këtë garë nuk është që nuk është dorëzuar asnjë “Ofertë e Përshtatshme”, duke shkelur kështu ligjin për prokurimet publike.
Por ka kaluar vetëm pak kohë dhe Autoriteti Rrugorë ka vendosur të rishpallë garën për këtë tender, fondi limit i të cilit kap vlerat e 2.37 miliard lekëve. Sipas “Open Data”, që në anulimin e këtij tenderi, Autoriteti Rrugorë veproi në shkelje të ligjit, sepse termi në kërkim të një oferte të përshtatshme nuk përputhet me legjislacionin. Por, shpallja e këtij tenderi në një kohë kaq të shkurtër lë hapësire për dyshime, se ka tentativa për të manipuluar procedurat dhe bërë fituese kompanitë e tyre mike.
Sakaq, skandali me tenderët, merr përmasa e të mëdha ku e njëjta gjë si me tenderin e lartpërmendur ka ndodhur edhe me tenderin me objekt “Dhënia me koncesion projektimin, ndërtimin, operimin, mirëmbajtjen dhe transferimin e Aeroportit të Sarandës”. Ky tender kap vlerat e 34 milionë eurove, për të cilin është njoftuar anulimi me 25 tetor pa paraqitur të dhëna dhe arsye konkrete, ndërsa me 26 tetor është rishpallur sërish gara.
Ajo që shton më shumë dyshimet dhe lë të kuptohet se, në këtë rast kemi të bëjmë me manipulime është fakti që për asnjërin rast nuk tregohen se cilat kompani kanë qenë në garë. Nuk tregohet se çfarë mangësish kishin ata, që Ministria e Infrastrukturës çoi deri në anulim të tenderit dhe si në lojë ndryshon mendjen për pak orë.
Kjo lloj skeme është vetëm një nga shumë metodat që përdor qeveria për të manipuluar tenderët dhe për të vjedhur sa më shumë para përmes favorizimit të klientve të saj, që rëndojnë mbi taksapaguesit.
E.H/ gijotina.com/
