Anulohet shorti i Champions League, do rihidhet në orën 15:00

Një ngjarje e jashtëzakonshme ka ndodhur në Nyon të Zvicrës. Shorti i fazës së 1/8 është anuluar vetëm 1 orë pasi është hedhur.

Shorti do të përsëritet sot në orën 15:00, ndërsa ky lajm është bërë i ditur nga vetë UEFA në një reagim në rrjetet sociale. Duket se për shkak të një gabimi të bërë në vazon e rivalëve të Villarreal është marrë ky vendim.

Pas një problemi teknik me softuerin e një ofruesi të jashtëm shërbimi që udhëzon zyrtarët se cilat skuadra kanë të drejtë të luajnë me njëra-tjetrën, ndodhi një gabim material në shortin për raundin e 16-të të Ligës së Kampionëve të UEFA-s./K.T/Gijotina.com