Agjencia e Prokurimit Publik anulon tenderin 392 milionë euro për ndërtimin e Portit të Ri Tregtar në Porto-Romano. Sipas APP, në tender :nuk u paraqit asnjë ofertë përkatëse në procedurën me faza. Në garë ka marrë pjesë vetëm një kompani shqiptare. Salillari ka hyrë në ‘joint venture’ me një kompani të huaj, por edhe kjo ofertë është gjykuar si e papërshtatshme.
Tenderi për Ndërtimin e Portit të Ri Tregtar të Integruar në Porto-Romano u shpall në fund të muajit Korrik. Data e Zhvillimit të tij ishte përcaktuar 16 shtatori. Edhe pse në garë janë paraqitur disa oferta, Autoriteti Portual i Durrësit i ka skualifikuar të gjithë duke gjykuar se asnjëra prej tyre nuk përmbushte kushtet e kërkuara.
Procesi i tenderimit të portit të ri në Porto Romano u udhëhoq nga kompania holandeze “Royal Haskoning”. Qeveria shqiptare përmes një kontratë të veçantë konsulence i dha kësaj kompanie atribute publike deri në përzgjedhjen e fituesit. Për këtë shërbim, qeveria i ka paguar 12 milionë euro kësaj kompanie, përmes Autoritetit Portual të Durrësit.
Procesi i tenderimit të portit të ri në Porto Romano u udhëhoq nga kompania holandeze “Royal Haskoning”. Qeveria shqiptare përmes një kontratë të veçantë konsulence i dha kësaj kompanie atribute publike deri në përzgjedhjen e fituesit. Për këtë shërbim, qeveria i ka paguar 12 milionë euro kësaj kompanie, përmes Autoritetit Portual të Durrësit.
Kujtojmë se ditën e shpalljes së tenderit, u deklarua se 15 kompani kishin shprehur interes që të garonin.
Një investim të rëndësishëm e cilësoi Rama edhe për sigurinë kombëtare, pasi porti i ri i Durrësit do të shërbejë si bazë ushtarake për NATON. “Do të jetë një port që do të impaktojë sigurinë tonë, sepse siç e ka para parë grupi i projektimit dhe siç na ka udhëhequr Eriku në këtë proces, do të ketë edhe krahun e vet ushtarak, duke i ofruar NATO-s një bazë të re ushtarake, jo thjesht të re në kuptimin një tjetër bazë në Mesdhe në numër, por një bazë të re ushtarake me parametra optimalë”, tha Rama. Megjithatë, për 15 kompanitë në garë, 5 prej tyre më prestigjiozet, kryeministri Rama u kujdes që paralajmërimin ta kishte të qartë.
“Më vjen shumë mirë që ndër kompanitë e interesuara, ne kemi 5, edhe 5 kompanitë e listuara, si 5 më të mëdha në botë që tregon se çfarë interesi ka ky port, por historia e zhvillimit të porteve që ne e kemi mësuar për shkak të detyrës ka treguar që nëse këto kompani “gjejnë shesh”, “bëjnë një përshesh” aq të madh sa atë shumën në fillim të tenderit ta çojnë dyfish, trefish, katërfish pa asnjë problem nëse ti nuk ke peshkatarë peshkaqenësh në tokë. por mos harroni që nuk keni vetëm ne mbi kokë, por keni edhe peshkatarët holandeze. Harrojeni peshkaqenin, atë shkoni bëjeni në ndonjë vend tjetër jashtë Europës ku ka plot porte që ndërtohen”, nënvizoi Rama.
Discussion about this post