Kryeministri Edi Rama u shfaq pasditen e së martës në një konferencë të jashtëzakonshme për mediat ku njoftoi anulimin e mbledhjes së përbashkët mes Qeverisë së Shqipërisë dhe asaj të Kosovës që do të mbahej sot në Gjakovë.
Rama tha se kishte kërkuar një ndryshim në formatin e takimit, por edhe bisedimet, gjë që nuk ishte pranuar nga Qeveria e Kosovës.
Gjithashtu po dje, Kryeministri i Shqipërisë paralajmëroi se homologu i tij Albin Kurti, por edhe Kosova, mund të përballeshin me sanksione të vendosura nga bashkësia euro-atlantike, duke akuzuar direkt Kurtin lidhur me kursin që po ndiqte përsa i takon Veriut të Kosovës.
E ndërkohë sot, kur në fakt mund të ishte në Gjakovë për mbledhjen e përbashkët mes dy qeverive, Edi Rama u shfaq në Itali. Kryeministri shqiptar mori pjesë në ceremoninë mortore në nder t ëish-Kryeministrit Italian Silvio Berlusconi.
Në pamjet e pulikuara nga mediat italiane, shihet se në mesin e të pranishmëve ka qenë edhe kryeministri Edi Rama, i cili është ulur krahë liderëve të tjerë politikë.
Discussion about this post