Pasi qeveria vendosi të mbyllte kolegjin turk “Mehmet Akif”, nxënës, prindër dhe mësues të këtij institucioni arsimor kanë dalë në protestë.
Sipas tyre, kemi të bëjmë me një veprim antiligjor dhe së shpejti do të shkojnë ti drejtohen autoriteteve të drejtësisë.
Nxënëset vajza, të cilat kanë kapur rezultate të shkëlqyera në mësime, duke e bërë këtë shkollë një nga më të mirat, protestuan sot me pankarta e fjalime, duke dënuar ashpër vendimin e qeverisë për mbylljen e kolegjit.
Sipas tyre, pas këtij vendimi qëndrojnë kërkesat e Presidentit turk Erdogan, ndërsa shprehen se ëndrra e tyre nuk mund të ndërpritet me një firmë.
Ata u shprehen se do ta vijojnë rezistencën, teksa në duar mbanin edhe certifikata dhe medalje për rezultate të larta në mesime, të firmosura nga vetë kryeministri Rama.
Drejtuesit e kolegjit “Mehmet Akif” u shprehën se do ndërmarrin nisma ligjore kundër këtij vendimi të qeverisë Rama.
Ndërkohë po aq i ashpër ka qenë edhe reagimi i përfaqësuesve të kopshtit Turgut Ozal, që e cilësojnë absurd justifikimin e Ministrisë Arsimit për mbylljen e kopshtit, që nxjerr në rrugë të madhe 250 fëmijë.
Prindërit e fëmijeve të mitur të kopshtit dhe përfaqësues të kopshtit zbarkuan në ambientet e Ministrisë arsimit, ku pas debateve të ashpra ngritën një grup negociues për të zhvilluar bisedime me ministrinë.
Discussion about this post