Këngëtarja e njohur shqiptare, Anxhela Peristeri, e cila përfaqësoi Shqipërinë në “Eurovision 2020”, ka reaguar ndaj deklaratës që shkroi këngëtari “rock” Mentor Haziri, pasi nuk u pranua në edicionin e 60-të të Festivalit të Këngës.
Anxhela ka komentuar në statusin e tij të Instagramit, duke e këshilluar të kërkojë gabimin tek vetja, pasi sipas saj, të gjithë kemi pasur zhgënjime në karrierë.
Ajo gjithashtu i rendit Mentorit edhe disa evente ku ai është shpallur fitues disa herë duke pasur kështu edhe mbështetjen e shqiptarëve.
“Të gjithë kemi pasur zhgënjime në karrierë por nuk kemi fajësuar kombe. Të këshilloj ta kërkosh gabimin te vetja fillimisht, pastaj të nxjerrësh vrer për kombin shqiptar. Unë jam fituesja në fuqi e atij festivali siç e quan ti “të korruptuar” dhe dikur nuk jam futur as në finale. Gjej gabimin ku e ke Mentor sepse asnjë juri profesionistësh nuk refuzon një këngë të bukur e sidomos zërin tënd, pa arsye!“, ka shkruar ajo.
Ky koment ka sjellë një sërë replikash mes tyre.
Rikujtojmë se Mentor Haziri ka reaguar i revoltuar pasi kënga e tij nuk është pranuar në edicionin e 60-të në “Festivalin e Këngës” në RTSH. Me anë të një postimi në Facebook, ai shpreh zhgënjimin e tij dhe akuzon festivalin për korrupsion e mos-transparencë. Ai gjithashtu thotë se festivali nuk i do njerëzit nga Kosova, pasi sipas tij, i frikësohen konkurrencës.
Discussion about this post