Pensioni i invaliditetit është e vetmja e ardhur për familjen Zdrava në Kuçovë. Shpresa prej 3 vitesh ka mbetur e paralizuar për shkak të një sëmundje vertebrale, ndërsa bashkëshorti i saj kurohet për depresion.
“Si mos më keq jam, pa njeri nuk rri dot, në krahun që fle në atë krah ngrihem në mëngjes. Ilaçet nuk i marr me rimbursim, i blej 70-80 mijë lek në muaj. Marr vetëm CAMP-in, me atë hamë e pimë, detyrohemi të kursejmë.”
Këto janë fjalët e nënës me dy fëmijëve, Shpresa Zdrava e cila tregon se djalin e madh, 19-vjeç është detyruar që ta heqë nga shkolla për ti shërbyer asaj.
“Djalin këtu e mbaj….”.
Nga ana tjetër, 59-vjeçarja na tregon për avancimin e sëmundjes dhe diagnostikimin jashtë vendit.
“Më ka mbaruar palca e kurrizit është bërë ujë, nuk bëj dot ndërhyrje, ndërsa ilaçet më bëjnë alergji”.
Së fundmi, Shpresa tregon se pensioni i invaliditetit që ajo merr është i pamjaftueshëm për tu kujdesur për familjen dhe për shëndetin, prandaj ajo bën apel për ndihmë.
“Ilaçet kushtojnë 7 mijë lek në muaj, ndërsa pensioni i invaliditetit është i pamjaftueshëm, ndaj detyrohet të kursejë tek ushqimet. Apeli i këtij çifti me probleme sociale e shëndetësore në Zdravë të Kuçovës është për institucionet shtetërore por dhe për donatorët privatë. Sa ta shohë të arsyeshme Bashkia dhe kushdo person që mundet të na ndihmojë se jemi në pozicion të vështirë”.
Discussion about this post