Zgjedhjet për kreun e FSHF-së u zhvilluan më 15 mars dhe për të gjashtën herë radhazi në krye të saj u zgjodh Armando Duka.
Këto zgjedhje u mirëpritën nga të gjithë duke përfshirë edhe instancat më të larta të futbollit europian dhe botëror, por sigurisht nuk u pritën mirë nga Erjon Veliaj i cili i shpalli luftë hapur para zgjedhjeve.
Aso kohe, Veliaj do të shprehej në një audio përgjim të publikuar nga FSHF se do të përdorte çdo mënyrë për të ja nxirë jetën Dukës duke filluar nga Gjykatat e deri tëk SPAK.
Pikërisht këto gjykata edhe sot i janë bindur urdhërit të Veliajt, ku më saktë gjykata e Apelit në Tiranë ka lënë në fuqi masën për pezullimin nga detyra të kreut të FSHF-së, Armand Duka dhe Sekretarit të Përgjithshëm, Ilir Shulku.
Në vendimin e plotë, bëhet e ditur se fillimisht është rrëzuar kërkesa e të pandehurve për përjashtimin e gjyqtarit të çështjes. Sipas vendimit të formës së prerë, Apeli ka rrëzuar zgjedhjet në FSHF, ndërsa Duka dhe Shulku pezullohen nga detyra.
Sipas vendimit për masën e sigurimit personal, Duka dhe Shulku do të qëndrojnë të pezulluar deri në përfundim të hetimeve. Por duke qenë se Apeli nuk pranoi përjashtimin e gjyqtarit të çështjes, FSHF po bën gati rekurs në Gjykatën e Lartë. Veliaj, i zhgënjyer nga rezultati për rizgjedhjen e Dukës në krye të FSHF, duket se po bën tentativat e tij të fundit për të përdorur fuqinë politike mbi togat e zeza, duke i dhënë të drejtë dyshimeve se sistemi i drejtësisë është i kapur nga mazhoranca.
Discussion about this post