Apeli i Gjykatës së Posaçme rrëzoi sërish këtë të premte një kërkesë për liri të ish-kryeministrit Sali Berisha dhe dhëndrit të tij Jamarbër Matetzi. Të dy po hetohen nën masën e arrestit në shtëpi për çështjen e privatizimit të ish-kompleksit sportiv “Partizani” në Tiranë.
Vendimi u mor nga gjyqtarja Iliriana Olldashi, e cila rrëzoi ankimin e dyshes Berisha-Malltezi për zëvendësimin e masës së sigurimit personal.
Avokati i Berishës Genc Gjokutaj e cilësoi skandaloz faktin se lideri i opozitës qëndron në “arrest shtëpie”, sipas tij, pa asnjë hetim apo prova të reja.
“Lideri i opozitës qëndron në arrest shtëpie, pa u zhvilluar hetime dhe pa u përcaktuar prova të reja. Ne nuk kemi humbur në shkallët e gjykatave ne kemi konstatuar shkeljet skandaloze në këtyre gjykatave. Ne kemi humbur disa beteja, por nuk kemi humbur luftën. SPAK po vepron si parti politike, por ne do të vazhdojmë në rrugë ligjore”, tha avokati Genc Gjokutaj.
Discussion about this post