Apeli lë në fuqi sekuestron për pasuritë e ish-shefit të Operacionales, Oltion Bistri . Sipas SPAK ka dyshime se pasuritë me vlere rreth 3 milione euro jane krijuar nga aktiviteti kriminal.
Mes pasurive janë edhe 10 apartamente, 22 dyqane, e një vilë luksoze duhet të qëndrojnë të sekuestruara.
Po ashtu është sekuestruar një truall me sipërfaqe 200 m2 në rrugën e ‘Kosovarëve’ në Tiranë, garazh me sipërfaqe 87.8 m2 në Selitë dhe një ‘Range Rover Sport’, vit prodhimi 2012.
Bistri u vu në pranga në kuadër të operacionit “Metamorfoza”.
Në pranga ranë edhe drejtuesi i prokurorisë së Kukësit Xhevahir Lita, biznesmeni Pëllumb Gjoka si dhe shtetasit Esmar Bilali, Ardit Hasanbenga dhe Edmond Preka, të akuzuar për një sërë veprash penale.
Ai akuzohet për nxjerrje të sekretit hetimor dhe shpërdorim detyre. Arrestimi erdhi me urdhër të SPAK pas zbërthimit të mesazheve në aplikacionet Sky ECC dhe Encrochat.
Sipas Prokurorisë, Bistri u çonte informacione personave të caktuar në lidhje me operacionet që zhvillonte Policia e Shtetit.
Discussion about this post