Apeli i GJKKO ka pranuar kërkesën e SPAK, për të caktuar një masë të dytë “arresti me burg” për ish deputetin socialist Alqi Bllakon, i përfshirë në aferën e inceneratorëve.
Prokuroria e Posaçme ka kërkuar masë të dytë sigurie ndaj Alqi Bllakos, për inceneratorin e Elbasanit. SPAK i është drejtuar gjykatës me kërkesë për një masë siguri ndaj Bllakos, 2 javë më parë por u refuzua nga GJKKO.
Hetimet e SPAK për inceneratorin e Elbasanit kanë rënduar pozitat e ish deputetit Aqi Bllako, ku përveç akuzës së ‘shpërdorimit të detyrë’, kryer në bashkëpunim, prokuroria e Posaçme ka ngritur ndaj tij edhe akuzën e ‘korrupsionit’. Pas sekuestrimit të kompjuterit të ish deputetit dhe marrjes së tij si i pandehur, janë gjendur prova që e implikojnë atë në korrupsion të zyrtarëve të lartë.
Sipas SPAK, Alqi Bllako ka shkëmbyer e-maile nga adresa e tij private me administratorin e kompanisë “Alb tek energy”, Klodian Zoton duke e informuar këtë të fundit mbi procedurën e dhënies me koncension të Inceneratorit të Elbasanit.
Lexo edhe: Përmbytjet me dy viktima në Shkodër, Rama: Situatë jo kritike
Referuar dosjes ai i përcillte Zotos, e-mailet e zyrtarëve të ministrisë së Mjedisit mbi procedurat që duhet të ndiqte për të fituar të drejtën e ndërtimit të Inceneratorit të Elbasanit. Referuar hetimeve të kryera, këto kontakte janë mbajtur në kohën që Bllako ushtronte detyrën e sekretarit të përgjithshëm në Ministrinë e Mjedisit dhe prokuroria ka dyshime se ish-deputeti të ketë paracaktuar garën duke shpallur fituese kompaninë që përfaqësohej nga Zoto.
Discussion about this post