Aplikimi në Universitet i maturantëve, përcaktohen 3 raundet e para

Me mbylljen e provimeve të maturës shtetërore maturantët kanë një tjetër sfidë përpara, pranimin në Universitet.

Ministria e Arsimit dhe Sportit ka miratuar procedurat e aplikimit dhe regjistrimit në institucionet e arsimit të lartë për vitin akademik 2022-2023.

Provimi i fundit, 33 mijë maturantë ju nënshtruan testimit në lëndën me zgjedhje.

Urdhri përmban datat dhe procedurat për aplikimin në Universitet për maturantët në portalin U-Albania. Ministria e Arsimit ka përcaktuar 3 raundet për regjistrimin në Universitet.

Raundi i parë për regjistrimin në Universitet është datat 29 korrik deri në 3 gusht 2022. Raundi i 2-të për regjistrimin në Universitet në 22-24 shtator dhe raundi i 3-të në datat 19-21 tetor.