Aplikimet për universitet shpesh shkakton stres dhe kaos tek të rinjtë, madje në shumë prej tyre shkojnë në një degë që nuk e duan për shkak të gabimeve apo ngërçeve në sistem. Lidhur më ketë çështje ka folur sot pedagogu në Universitetin e Arteve, Ardian Isufi , i cili thotë se sistemi aktual i formularëve për aplikime në universitete, është çorientues.
Në një intervistë për “Euroneës Albania”, Isufi u shpreh se maturantët nuk duhet të zgjedhin dhjetë preferenca, ashtu sikur është aktualisht. Sipas tij, një pjesë e madhe e preferencave, plotësohen edhe pse maturantët nuk kanë interes real për to dhe shtoi se duhet të reduktohen në dy ose tre.
“Nuk mendoj se ka nevojë për dhjetë zgjedhje. Në pjesën dërrmuese, shtatë ose tetë zgjedhje, studentët aplikues i bëjnë dhe nuk u intereson fare. Ata duhet t’i aplikojnë sepse ashtu është formulari i aplikimit. Kjo është parë dendur jo vetëm në Akademinë e Arteve, por edhe anketimeve të tjera. Kuptohet që ky lloj çorientimi që i bëhet maturantëve për t’u orientuar realisht te degët apo fushat ku ata kanë dhuntinë dhe dëshirën, ky lloj sistemi me 10 preferenca, është një sistem çorientues. Për një raund të dytë, nëse do pakësohet elementi i kaq shumë preferencave, por të jenë 2-3 preferenca për çdo të interesuar”, theksoi pedagogu, ndërsa iu sugjeron aplikantëve të marrin më parë informacione mirë për degën dhe universitetin para se ta përzgjedhin atë.
Discussion about this post