Arabia Saudite vijon të tentojë blerjen e superyjeve të Napolit. Al Ahli i Xhedas ka paraqitur një tjetër ofertë për kartonin e polakut Zielinski, teksa së fundi ka shfaqur interes edhe për sulmuesin nigerian Victor Osimhen.
De Laurentiis nuk ka ndërmend t’i shesë, megjithatë e di mirë që përballë ofertave si këto, do të jetë e vështirë, ndaj ka nisur të studiojë tregun për të gjetur zëvendësuesit.
Kështu në mesfushë po ndiqen me interes Teun Koompeiners i Atalantës, të cilin bergamaskët mund ta shesin për 30 milionë euro. Për më tepër, mesfushori holandez njeh mirë kampionatin italian dhe do të ishte një përforcim me vlera për trajnerin Rudi Garcia.
Po për mesfushën, ndiqet me interes edhe i riu i talentuar i Celta Vigos, Gabri Veiga, që gjithsesi mbetet një bast, pasi varet sa do të përshtatet në kampionatin italian.
Sa i përket sulmit, nëse largohet Osimhen, atëherë i përzgjedhuri është amerikani Jonathan David, i cili luan te francezët e Lille, por kartoni i tij vlerësohet të paktën 60 milionë euro nga klubi francez.
Discussion about this post