Zëvendëskryeministri Arben Ahmetaj në një intervistë mediat ka folur për raportin e tij me kryebashkiakun e Vlorës, Dritan Leli. Ahmetaj është shprehur se nuk e ka takuar Dritan Lelin, pasi politikisht ka qenë i angazhuar në Tiranë.
Ai gjithashtu tha se do mbaj linjën e kryeministrit Rama, duke lënë të kuptohet se edhe marrëdhënia me Lelin do të jetë e ftohtë.
“Se kam takuar zotin Leli. Unë kam punuar në Tiranë politikisht. S’më ka lidhur puna me zotin Leli, politikisht. S’do të ketë asnjë surprizë, nga ajo që ka thënë kryeministri. Do vijojë linjën e zotit Rama se besoj dhe se e dyta ai ka qenë deputet dhe drejtues në atë qark” – është shprehur Arben Ahmetaj.
Kujtojmë që kryebashkiaku i Vlorës ka rënë nën sulmin e kryeministrit që në momentin kur refuzoi kërkesën e Ramës dhe nuk pranoi të kandidonte si deputet në Vlorë. Edhe në mbledhjen e fundit që është zhvilluar në Vlorë nga Sekretari i përgjithshëm të Partisë Socialiste, gjatë prezantimit të drejtuesit të ri politik në qarkun e Vlorës, Gjiknuri u ka lënë porosi drejtuesve të Vlorës që marrëdhënia me Lelin do jetë e distancuar.
