Arben Ahmetaj kërkesë Gjykatës së Lartë, kërkon lirimin e pasurive

në Aktualitet

Kohë leximi: 1 min

Ish-zëvendës kryeministri Arben Ahmetaj kërkon lirimin e pasurive të sekuestruara.

Nga arratia, Arben Ahmetaj ka bërë kërkesë për të zhbllokuar pasurinë, në Gjykatën e Lartë.

Kërkesa e ish-zyrtarit të lartë të PS-së në Gjykatën e Lartë erdhi pasi apeli i GJKKO-së rrëzoi ankimimin e Ahmetaj për pasurinë e sekuestruara.

SPAK ka sekuestruar 6 pasuri të Ahmetajt nga të cilat 4 apartamente, njëri i përshtatur si AIR BNB, si dhe 2 llogari bankare të tij në shumën 124.300 euro.

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Dhimiter Lara, sot më 28.10.2023, shpalli vendimin mbi çështjen penale nr. 158 akti, datë 18.10.2023 regjistrimi, regjistruar mbi ankimin e paraqitur nga ankuesi A.A., ndaj vendimit nr. 364, datë 26.09.2023 (lidhur me sekuestron e pasurisë) të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi:

– Miratimin e vendimit nr. 364 akti datë 26.09.2023 të Gjykatës së Posaçme të Shkallës së Parë për Korrupsionin dhe Krimin e Organizuar”, thuhet ne njoftimin e Gjykates.

Ish-zëvendës kryeministri, Arben Ahmetaj, është nën akuzë për 4 vepra penale, atë të “shpërdorimit të detyrës”, “korrupsionit pasiv të funksionarëve të lartë shtetërorë”, “pastrimit të produkteve të veprës penale” dhe “përfitimit të paligjshëm të interesave”.