Arben Ahmetajt shfaqet përsëri nga arratia, i rehatuar me puro në dorë

Arben Ahmetajt është shfaqur sërish nga një ambient publik nga Zvicra.

Ish-zv.kryeministri, i cili prej më shumë se një viti tanimë ndodhet në arrati, shihet në shoqërinë e dy personave në një lokal në Zvicër, aty ku dhe politikani shqiptar është “strehuar” prej korrikut të vitit 2023.

Në foton e publikuar, ish-numrit dy të qeverisë Rama shfaqet duke konsumuar kafe dhe puro, teksa është duke biseduar me disa persona identiteti i të cilëve nuk kuptohet qartë në foto.

Arben Ahmetaj ndodhet në arrati, ndërsa është shpallur në kërkim ndërkombëtar nga SPAK, ku dyshohet se ka shpërdoruar detyrën duke shkaktuar një dëm ekonomik buxhetit shtetëror.

Jo më larg se disa ditë më parë, gazetari Çim Peka lajmëroi intervistën e radhës me ish-besnikun e kryeministrit Edi Rama. Ahmetaj deri më tani ka bërë dy dalje publike, ndërsa në intervistën e fundit pati paralajmëruar se do të plasë “bombën” për qeverinë aktuale.

Nga Zvicra ku ka aplikuar për azil, ish-zv.kryeministri ka refuzuar përballjen me drejtësinë shqiptare, duke thënë se procesi dhe provat janë manipuluar, për ta goditur atë politikisht. Ai ka thënë se do të përballet me drejtësinë vetëm kur ajo të jetë e drejtë dhe e vërtetë.