Teksa Partia Demokratike po përgatitet për Kuvendin e 11 dhjetorit që është thirrur nga Berisha, pak ditë më parë edhe Basha deklaroi se do të mbledhë Kuvendin e PD me 18 dhjetor. Nuk dihet se kë nga këto dy thirrje do pranojnë demokratët, por për ish-deputetin Arben Ristani të gjithë i kanë sytë nga Kuvendi i 11 dhjetorit. Teksa po komentonte këtë situatë gjatë një interviste televizive, Ristani tha se demokratet duan të rikthejnë fuqishëm PD dhe këtë gjë nuk mund t’ua japë Basha i cili ka pësuar katër humbje. Sakaq, Ristani tha se Basha po shpreh sjellje leniniste nga paniku dhe frika që nuk mbron dot karrigen e tij.
“Ka një interes shumë të madh të shqiptarëve për opozitën për të përmbysur regjimin e Ramës dhe dihet që e vetmja mundësi është përmes opozitës. Ka krizë të lidershipit në PD që vjen pas katër humbjesh të njëpasnjëshme. Kjo ka ndodhur për shkak të një kryetari që ka shfaqur sjellje leniniste. Kjo ka sjellë nevojën e një kuvendi për të zgjidhur problemet”, u shpreh ai.
Sakaq, Ristani tha se pjesa më e madhe e demokratëve duan që të bëhen disa ndryshime në statut dhe sidomos shkurtimi i mandatit të kryetarit. Ka dalë dhe një axhendë e Kuvendit ku spikat një nevojë për ndryshimet në Partinë Demokratike siç është kufizimi i mandatit të kryetarit në rast humbjesh. Duhen këto rregulla. Demokratët mezi presin mbledhjen në datën 11. Shpresoj ta vendosë PD në shtratin statutor”, deklaroi Ristani, duke u shprehur se me 11 PD do të kthehet për të mundur Ramën.
Discussion about this post